Manifest (Schwizerdütsch)

Die Hedonistischi Internationali

  • wot Freud, Lust, Gnuss und es säuber bestimmts Läbe in Freiheit für alli Mönsche!
  • gseht dr Hedonismus nid als Motor fürne dumpfi, materialistischi Spassgsöuschaft, sondern als Chance zur Überwindig vom Bestehende.
  • isch kei Organisation, sondern e Idee, wo jede d Usgstaltig dervo sälber ir Hand het. Niemer usser dr Handelndi säuber isch für Aktione verantwortlich. Hedoniste und Hedonistinne organisiere sich i de verschidnigste Bedürfniszämestellige, um gezielt und ungezielt in Aktion z trätte.
  • erkennt ah, dass d Wäge zum schöne Läbe steinig und verschlunge si. Es git kes einzelns Patentrezäpt, kei Masterplan, kei wiisi Präsidentin, kei Füehrer, sondern vöu meh e Bewusstwärdigsprozess wo jede Mönsch mit sine Idee und sine Tate derzue biitrage cha.
  • weiss nid, wie all die Ziel erreicht chöi wärde, sondern nur, dass öppis muess passiere, um d Freiheit und dr Gnuss für alli chöne z verwirkliche.
  • isch überzügt dervo, dass Politik und Aktion chöi Spass mache. Wo d Hierarchie afoht, hört dr Spass uf. Wo dr Spass ufhört, foht d Hierarchie ah.
  • isch überzügt dervo, inere Wält welle z läbe, wo die hochentwickelti Technologie dr gsamte Mönschheit es Läbe ohni Arbeitszwang und Usbütig, sondern in purer Hingab a d Künst und die schöne Sache ermöglicht.
    setzt uf d Zämearbeit und die freii Assoziation vo glichberächtigte Individue.

  • gseht ih, dass ou chlini Ahnöcherige a d Ziel vom Hedonismus e Verbesserig vo dr Usgangslag bedüte. Si erwitere d Möglechkeite für kommendi Usenandersetzige.
  • schafft temporäri hedonistischi Zone und Situatione, um uf ehri Idee und Ziel vorzgriffe.
    hofft bi all dene Usenandersetzige uf ne lächelndi Sälbstreflektion. Nur die schützt dervor, sich säuber z wichtig z näh.

  • git sich d Farbe Pink, Schwarz, Gold, Silber und Wiss.
  • wot es fröhlichs Mitenander, Anarchie, di Idee vom Epikur, buti Freud, Sinnlichkeit, Usschweifig, Fründschaft, Grächtigkeit, Toleranz, Freiheit, sexuelli Freizügigkeit, Nachhaltigkeit, Friede, freie Zuegang zu Informatione, Kunst, kosmopolitischs Dasii, e Wält ohni Gränze und Diskriminierig und alli schöne Sache – all das, was hüt nid und vor allem nid für alli Mönsche verwüklicht isch.
  • wot Freud, Freiheit, Alles!

    • Dr Spielruum für Idee isch gross. Machet, was dir weit, nid das wo dir müesset!